12 ديسمبر , 2017 9:53 مساءً

شحات عثمان وقصيدة “مسيرة فلسطين”

 

قالها ترامب  القدس ليهم

 

 القدس

هوه قالها

وانا سمعته

وكتير  وراه قال

نشجب وندين

ونستنكر يا ابن اللئيم 

قالها  من زمان

  واحد خسيس قبله

كان  واد شاطر واسمه بلفر

ايه الغريبه لما تكون ليهم 

ليه الأعتراض

هوه هيفرق

نواح وعويل

وصراخ واصوات غربان 

وحواس بتهرتل

فى اجساد عميان

الضحكة

من يومها ضحكة شرير

ورد الفعل

شئ متوقع من سنين

وحتى لو قال

هاتوا السراويل

هنقول امين

اشجب واستنكر

  ودِين وانا هاقول أمين

يا عم ترامب

سيبك من ثوابت سنين

اللى قبلك

كانوا بيراعوا

مسلمين وقديسين

وقالوا القدس مش ميادين

بس انت راجل تاجر

والتاجر عارف

ازاى   تكون المعايير 

يا ترامب انت مش غلطان

اعلنها للعالمين

القدس ليهم 

واحنا وراك هنشجب وندين

وسلم لى على فلسطين

ومعايير الشرف فى امة المسلمين

عن حافظ الشاعر

رئيس مجلس ادارة ورئيس تحرير جريدة وموقع الزمان المصرى وصوت المنصورة . ومدير تحرير جريدة الكرامة."باحث سياسى" مدير مكتب قناة العروبة بالدقهلية-مدير مكتب قناة "صوت العرب"-مدير مكتب قناة "صوت مصر"

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>